जळगाव शहरातील बहिणबाई गार्डन जवळ एका नारळ पाणी विक्रेता दीपक राजपूत यांनी रस्त्यावर सापडलेली २५ हजार रुपये रोख आणि महागडा आयफोन असलेली पर्स प्रामाणिकपणे पोलीस ठाण्यात जमा केली आणि ती एका महिलेला परत करण्यात आली. या प्रामाणिक कृतीमुळे समाजात माणुसकी अजूनही जिवंत असल्याचे दर्शन घडले. जिल्हा पेठ पोलीस स्टेशनचे निरीक्षक प्रदीप ठाकूर यांच्याहस्ते रविवारी १९ ऑक्टोबर रोजी रात्री ८ वाजता ही पर्स संबंधित महिलेला सुपूर्द करण्यात आली.