माणगाव तालुक्यातील उणेगाव ग्रामपंचायत सदस्य शंकर दगडू शिंदे यांच्या नेतृत्वाखाली शेकडो कार्यकर्ते आणि महिला भगिनींनी आज शुक्रवार दिनांक २४ ऑक्टोबर २०२५ रोजी दुपारी ४ च्या सुमारास कॅबिनेट मंत्री भरत शेठ गोगावले यांच्या उपस्थितीत शिवसेना पक्षात जाहीर प्रवेश केला. निवडणुकीचे पडघम वाजू लागले असून, महाड विधानसभा मतदारसंघात राष्ट्रवादी काँग्रेस पक्षाला सलग धक्के बसत आहेत. रोज नवे कार्यकर्ते, ग्रामपंचायत सदस्य, आणि स्थानिक नेते शिवसेनेच्या विचारधारेत सामील होत आहेत या भव्य पक्षप्रवेश सोहळ्यास संपर्कप्रमुख, जिल्हाप्रमुख, तसेच गोरेगाव विभागातील शिवसेना आणि युवासेना पदाधिकारी, लोकप्रतिनिधी मोठ्या संख्येने उपस्थित होते.