ବାରକୋଟ ଥାନା କଲା ଗ୍ରାମରେ ଅବକାରୀ ବିଭାଗ ମଙ୍ଗଳବାର ଚଢାଉ କରି ୪.୭ କେଜି ବେଆଇନ ଗଞ୍ଜେଇ ଜବତ କରିବା ସହିତ ଜଣେ ଅଭିଯୁକ୍ତଙ୍କୁ ଗିରଫ କରିଛି। ଗିରଫ ଅଭିଯୁକ୍ତ କଲା ଗ୍ରାମର ବିପିନ ବିହାରୀ ପାଣିଙ୍କ ପୁଅ ସୁମନ୍ତ କୁମାର ପାଣି ବୋଲି ଜଣାପଡିଛି। ବିକ୍ରି ଉଦ୍ଦେଶ୍ଯରେ ସୁମନ୍ତ ନିଜ ଘରେ ବେଆଇନ ଭାବେ ଗଞ୍ଜେଇ ରଖିଥିବା ଅବକାରୀ ବିଭାଗ ସୂଚନା ପାଇ ଆଜି ଏକଜିକ୍ୟୁଟିଭ ମାଜିଷ୍ଟ୍ରେଟଙ୍କ ଉପସ୍ଥିତିରେ ଚଢାଉ କରାଯାଇଥିଲା। ଘର ତଲାସି ସମୟରେ ୪.୭ କେଜି ଗଞ୍ଜେଇ ଜବତ କରିବା ସହିତ ସୁମନ୍ତ ଙ୍କୁ ଗିରଫ କରି ମଙ୍ଗଳବାର ରାତି ପ୍ରାୟ 9 ଟାରେ କୋର୍ଟଚାଲାଣ କରାଯାଇଥିଲା।