પાલીતાણામાં રાષ્ટ્રીય દલિત અધિકાર મંચ તથા દલિત સમાજના આગેવાનો દ્વારા ધારાસભ્ય જીગ્નેશ મેવાણીના સમર્થનમાં રેલી કાઢી ડેપ્યુટી કલેકટરને આવેદનપત્ર અપાયું. આવેદનમાં શહેરમાં ચાલી રહેલા ગેરકાયદે દારૂના અડ્ડા તાત્કાલિક બંધ કરવા માંગણી કરી હતી. જૈનનગરીની ઓળખ જળવાય અને યુવાનો બગડે નહીં તે માટે કડક કાર્યવાહી કરવાની માંગ સાથે મોટી સંખ્યામાં કાર્યકરો શાંતિપૂર્ણ રેલીમાં જોડાયા હતા. તંત્રે તરત પગલાં લે તેવી અપીલ કરવામાં આવી.