अकोला येथे चित्राताई भांडे यांच्या नेतृत्वात विविध पक्षातील 111 कार्यकर्त्यांनी भाजपात प्रवेश केला. या कार्यक्रमाला खासदार अनुप धोत्रे, आमदार रणधीर सावरकर, डॉक्टर डी. एम. भांडे यांच्यासह अनेक मान्यवर उपस्थित होते. मुख्यमंत्री देवेंद्र फडणवीस यांच्या नेतृत्वाखाली राज्य सरकार जनकल्याणासाठी कार्यरत असल्याने भाजपात प्रवेश वाढत असल्याचे अनुप धोत्रे यांनी सांगितले. जिल्हा परिषद व पंचायत समिती निवडणुकीच्या तयारीसाठी हा पक्षप्रवेश महत्त्वाचा मानला जातो.