वाडेगावात दिवसाढवळ्या दोन लाख 80 हजारांची चोरी; महिन्यातील दुसरी घटना अकोल्याच्या वाडेगावमध्ये स्टेट बँक ऑफ इंडिया समोर दिवसाढवळ्या 2 लाख 80 हजार रुपयांची चोरी झाल्याची धक्कादायक घटना समोर आली आहे. ही घटना आज दुपारी साडेतीनच्या सुमारास घडली. शेख मुद्दसिर शेख असलम कुरेशी यांनी बँक आणि एटीएममधून पैसे काढून ते गाडीवर ठेवताच तोंडाला रुमाल बांधून तीन ते चार युवकांनी त्यांना काही पैसे पडल्याचे सांगत खाली उतरवले. ते खाली उतरल्याबरोबरच चोरट्यांनी गाडीवरील पैशांची पिशवी उचलून पोबारा केला.