नायलॉन मांजाचा वापर करून पतंग उडविणे हे कायद्याने निषिद्ध असून, यामुळे मानवी जीवित आणि पक्ष्यांच्या जीवनावर गंभीर धोका निर्माण होतो. या गंभीर धोक्याची दखल घेत, मुंबई उच्च न्यायालयाच्या नागपूर खंडपीठाने नायलॉन मांजाचा वापर, विक्री आणि साठा करण्यास पूर्णतः बंदी घातली आहे. या आदेशाचे उल्लंघन करणाऱ्यांवर कठोर कारवाई करण्यात येणार असल्याचे वणी पोलिसांनी आज एका प्रेस नोटद्वारे स्पष्ट केले आहे.
