ଦେବଗଡ଼ର ପ୍ରସିଦ୍ଧ ପରିବେଶ ପର୍ଯ୍ୟଟନ ସ୍ଥଳି ପ୍ରଧାନପାଟ ଜଳପ୍ରପାତର ସୁରକ୍ଷା ଓ ରକ୍ଷଣାବେକ୍ଷଣ ଦାଇତ୍ୱ ନିମନ୍ତେ ବନ ବିଭାଗ ପକ୍ଷରୁ ବ୍ରଜମୋହନପୁର ବନ ସୁରକ୍ଷା ସମିତିକୁ ହସ୍ତାନ୍ତର କରାଯାଇଛି । ହସ୍ତାନ୍ତର କାର୍ୟ୍ୟକ୍ରମ ଅବସରରେ ଦେବଗଡ଼ ବନଖଣ୍ଡ ପକ୍ଷରୁ ପ୍ରଧାନପାଟ ଜଳପ୍ରପାତ ପାଦଦେଶରେ ବନଖଣ୍ଡ ଅଧିକାରୀ ରଶ୍ମି ଜୀଙ୍କ ଅଧ୍ୟକ୍ଷତାରେ ଏକ ସଭାର ଆୟୋଜନ କରାଯାଇଥିଲା । ଅତିଥିଭାବେ ଜିଲ୍ଲା ଆରକ୍ଷୀ ଅଧିକ୍ଷକ ଅନିଲ କୁମାର ମିଶ୍ର, ଜିଲ୍ଲା ପରିଷଦ ମୁଖ୍ୟ କାର୍ୟ୍ୟନିର୍ବାହୀ ଅଧିକାରୀ ରାଜେନ୍ଦ୍ର ମିଞ୍ଜ, ଅବୈତନିକ ବନ୍ୟପ୍ରାଣୀ ତତ୍ୱାବଧାରକ ଲଳିତ ମୋହନ ସାହୁ ଯୋଗଦେଇଥିଲେ ।