पनवेल महानगरपालिका निवडणुकीचा बहुप्रतिक्षित निकाल शुक्रवारी जाहीर झाला असून, यामध्ये भारतीय जनता पार्टी महायुतीने आपले निर्विवाद वर्चस्व सिद्ध करत एकहाती विजय संपादन केला आहे. प्रभाग क्रमांक ९ आणि १० मध्ये महायुतीच्या उमेदवारांनी विरोधकांना धूळ चारत भरघोस मतांनी विजय मिळवला. याबद्दल दोन्ही प्रभागांतील नवनिर्वाचित उमेदवारांनी आमदार प्रशांत ठाकूर, भाजपचे जिल्हाध्यक्ष अविनाश कोळी आणि भाजपचे राज्य परिषद सदस्य अरुणशेठ भगत यांची शनिवारी भेट घेतली.