ગાંધીધામના સેક્ટર-5માં રહેતા દંપતીને સાયબર માફિયાઓએ 28 દિવસ સુધી 'ડિજિટલ અરેસ્ટ'માં રાખી ₹1.07 કરોડ પડાવી લીધા છે.મુંબઈ ક્રાઈમ બ્રાન્ચ અને CBIના નામે મની લોન્ડરિંગના કેસની ધમકી આપી,ઓનલાઈન કોર્ટ કાર્યવાહીના નાટકો કરી દંપતીને ડરાવી દેવાયું હતું.સાયબર ગઠિયાઓએ સંતાનોને જાણ ન કરવા ધમકી આપી ટુકડે-ટુકડે રકમ પડાવી હતી.પૌત્રીના વિદેશ જવાના વિઝા માટે એફડી (FD) તોડવાની જરૂર પડતા આ સમગ્ર કૌભાંડ બહાર આવ્યું છે.