ऑल इंडिया ट्रेड युनियन काँग्रेस आयटक महाराष्ट्र राज्य परिषदेमार्फत असंघटित क्षेत्रातील कामगारांच्या प्रलंबित मागण्यासाठी दि.10 डिसेंबर रोज नागपूर हिवाळी अधिवेशनावर भव्य राज्यव्यापी मोर्चाचे आयोजन करण्यात आले होते. शुक्रवारी तलावाजवळील नेहरू चाचा भवन येथून स.11 वाजे मोर्चा काढण्यात आला. या मोर्चात हजारो कामगारांच्या उपस्थितीने नागपूर शहर दुमदुमले.आयटकच्या हाकेला प्रतिसाद देत अंगणवाडी सेविका,मदतनीस,आशा वर्कर्स,ग्रामपंचायत कर्मचारी,शालेय पोषण आहार कर्मचारी मनरेगा कर्मचारी आदी सहभागी झाले.