ସମ୍ବଲପୁର ଜିଲ୍ଲା ବାମରା ବ୍ଲକ ଉପାନ୍ତରେ ଥିବା ଜରାବଗା ପଞ୍ଚାୟତ ଅନ୍ତର୍ଗତ ଲପଡ଼ା ଗ୍ରାମକୁ ନୂତନ ଗ୍ରାମ ପଞ୍ଚାୟତ ଭାବେ ଗଠନ କରିବା ପାଇଁ ଗ୍ରାମବାସୀଙ୍କ ପକ୍ଷରୁ ଦାବି କରାଯାଇଛି। ଏନେଇ ଲପଡ଼ା, କର୍ଲିଆଡିହି, ଶର୍ଗିଡିହି, କନ୍ଧକୁଲେଇ, ଦୁମକୁ, କିନାବଗା ଓ ବେତଝରଣ ଗ୍ରାମବାସୀ ମାନେ ମିଶି ଲପଡ଼ା ଗ୍ରାମକୁ ଏକ ନୂତନ ପଞ୍ଚାୟତ କରାଯାଉ ବୋଲି ଦାବି କରିଛନ୍ତି। ଏଥିସହ ଶନିବାର ସନ୍ଧ୍ୟା ୫ ଟାରେ ଲପଡ଼ା ରେ ଏକ ସଭା କରିଥିଲେ। ଏନେଇ ମୁଖ୍ୟମନ୍ତ୍ରୀ ଓ ପଞ୍ଚାୟତି ରାଜ ମନ୍ତ୍ରୀଙ୍କ ଉଦ୍ଦେଶ୍ୟରେ ଏକ ଦାବିପତ୍ର ପ୍ରଦାନ କରାଯାଇଛି।