अकोला : सन २०२३–२४ च्या १५व्या वित्त आयोगाच्या निधीचे लेखापरीक्षण वेळेत सादर न केल्याप्रकरणी जिल्हा परिषदेने दोन ग्रामसेवकांवर निलंबनाची कारवाई केली आहे. संबंधित प्रकरणात इतर १३ ग्रामसेवकांच्या कामकाजाचीही चौकशी सुरू असून पुढील कारवाई होण्याची शक्यता आहे. या प्रकरणाबाबत राज्य ग्रामविकास विभागाने नाराजी व्यक्त केल्याची माहिती सूत्रांनी दिली. ही माहिती रविवार, दि.१४ डिसेंबर रोजी सायंकाळी ७ वाजता प्राप्त झाली.