आत्महत्येला प्रवृत्त करणे हा गंभीर आणि कायद्याने दंडनीय गुन्हा आहे, असे स्पष्ट मत शिवसेना नेत्या नीलम गोरे यांनी व्यक्त केले. उद्या त्या मयत डॉक्टर गरजे यांच्या कुटुंबीयांची भेट घेणार असल्याची माहिती त्यांनी दिली. बीड येथे आयोजित पत्रकार परिषदेत बोलताना नीलम गोरे म्हणाल्या की, याआधी डॉक्टर संपदा मुंडे यांच्या आत्महत्येचे प्रकरण अत्यंत गंभीर होते. त्यानंतर आता पुन्हा डॉक्टर गरजे यांनी आत्महत्या केल्याची घटना समोर आली असून, या दोन्ही घटनांमुळे संपूर्ण समाज हादरून गेला आहे.