ગુજરાતમાં માત્ર કચ્છમાં બચેલી છેલ્લી ત્રણ માદા ઘોરાડ હવે માતૃત્વનો અહેસાસ કરી શકશે અને રાજસ્થાનનું રાજ્યપક્ષી ફરી ગુજરાતમાં મોટી સંખ્યામાં જોવા મળશે, કારણ કે કેન્દ્ર સરકારે 'જમ્પ સ્ટાર્ટ' પદ્ધતિ પર મહોર લગાવી દીધી છે. છેલ્લા દોઢેક દાયકાથી 'એગ ટ્રાન્સફર' કરવા નકાર ભણતી રાજસ્થાન સરકારે પણ પહેલીવાર માથું સીધું હલાવ્યું છે, આ નિર્ણય વન્યજગત માટે નવાવર્ષની સૌથી મોટી ભેટ છે.