रायगड जिल्ह्यात आगामी स्थानिक स्वराज्य संस्थांच्या निवडणुकांच्या पार्श्वभूमीवर शिवसेनेत पक्षप्रवेशांची मालिका वेगाने सुरू असून, निजामपूर विभागात राष्ट्रवादी काँग्रेस पक्षाला धक्का आहे. निजामपूर विभागातील राष्ट्रवादीचे प्रसाद अनंत गुरव यांनी आपल्या असंख्य कार्यकर्त्यांसह कॅबिनेट मंत्री भरत गोगावले यांच्या नेतृत्वाखाली शिवसेना पक्षात जाहीर प्रवेश केला. शिवसेनेच्या विकासाभिमुख व जनहितकारी कार्यपद्धतीवर विश्वास ठेवत तसेच निजामपूर विभागाच्या सर्वांगीण विकासासाठी ठोस नेतृत्वाची गरज असल्याने प्रसाद गुरव यांनी राष्ट्रवादी काँग्रेस पक्षाला रामराम ठोकत शिवसेनेचा झेंडा हाती घेतला.