तुर्काबाद (लिंबेजळगाव) शिवारात शेतात काम करत असताना विजेचा धक्का लागून १३ वर्षांच्या मुलाचा मृत्यू झाल्याची घटना मंगळवारी सकाळी साडेसातच्या सुमारास घडली. ओंकार अंकुश जाधव असे मुलाचे नाव आहे. पोलिसांनी दिलेली माहिती अशी की, ओंकार अंकुश जाधव (१३, रा. तुर्काबाद खराडी, ता. गंगापूर, जि. छत्रपती संभाजीनगर) याला सोमवारी सकाळी साडेसातच्या सुमारास शेतात विजेचा धक्का लागला. त्यामुळे तो गंभीर जखमी झाला. त्याला भगवान नवनाथ सोनवणे व आशिष अशोक गवळी यांनी घाटी रुग्णालयाच्या अपघात विभागात दाखल केले.