Name: पनवेल: सायन पनवेल महामार्गावर सखोल स्वच्छता मोहीम – शहराच्या अंतर्गत भागातही मुख्य रस्त्यांची सखोल स्वच्छता
Uploaded: 2026-01-04T18:06:29.000Z
Duration: 60 s
Channel: usr51956122_1

नवी मुंबईतील मुख्य रस्त्यांप्रमाणेच अंतर्गत भागातही सखोल स्वच्छता मोहीमा राबवून हवा गुणवत्तेच्या दृष्टीने दररोज सातत्याने कार्यवाही करण्यात येत आहे. त्या अनुषंगाने आज रविवारच्या दिवशी शहरातील मुख्य वर्दळीच्या सायन पनवेल महामार्गावर वाशी ते बेलापूरकडे जाणा-या मार्गिकेची साफसफाई करण्यात आली. यामध्ये प्रामुख्याने रस्ते व पदपथ याकडेला साचलेली माती ब्रशने खरवडून काढण्यात आली व संकलित करून हलविण्यात आली तसेच प्रक्रियाकृत पाण्याने रस्ते धुवून घेण्यात आले. यासाठी जेटींग स्प्रेचा वापर करण्यात आला. सायन पनवेल महामार्गाप्रमाणेच सेक्टर 17 कोपरखैरणे मुख्य मार्ग, रिलायबल टेक पार्क ऐरोली, गजानन चौक ते शापुरजी पालनजी साईट सेक्टर 6 सानपाडा, जुहूगांव मुख्य रस्ता, शिरवणेगाव अंतर्गत मुख्य रस्ता, जिजामाता नगर घणसेली अशा शहराच्या अंतर्गत भागातील मुख्य रस्त्यांचीही सखोल स्वच्छता करण्यात आली.

MORE NEWS

पनवेल: सायन पनवेल महामार्गावर सखोल स्वच्छता मोहीम – शहराच्या अंतर्गत भागातही मुख्य रस्त्यांची सखोल स्वच्छता