अकोला : पोलीस अधीक्षक अर्जित चांडक यांनी 8 डिसेंबर रोजी दुपारी 5 वाजता जिल्हा पोलीस अधीक्षक कार्यालयात मोबाईल फॉरेन्सिक व्हॅनला हिरवी झेंडी दाखवत शुभारंभ केला. भारतीय नागरी सुरक्षा संहिता 2023 अंतर्गत गुन्हे तपास अधिक वैज्ञानिक व गतिमान करण्यासाठी ही व्हॅन कार्यान्वित झाली आहे. घटनास्थळी त्वरित पोहोच, पुराव्यांचे संकलन, सीन-मॅपिंग, जैविक नमुने व प्राथमिक विश्लेषण यामुळे तपासाची गती वाढणार आहे. या व्हॅनसाठी तज्ज्ञ अधिकारी व कर्मचारी नियुक्त करण्यात आले आहेत.