जळगाव: ढगफुटीसदृश्य पावसामुळे मोठे नुकसान; मंत्री गिरीश महाजन यांनी केली जामनेर तालुक्यातील नुकसानग्रस्त भागाची पाहणी
Jalgaon, Jalgaon | Sep 16, 2025
जामनेर तालुक्यात मंगळवारी १६ सप्टेंबर रोजी मध्यरात्री २ ते पहाटे ५ वाजेच्या दरम्यान झालेल्या ढगफुटीसदृश्य पावसामुळे मोठी हानी झाली आहे. या गंभीर परिस्थितीची दखल घेत राज्याचे आपत्ती व्यवस्थापन मंत्री गिरीश महाजन यांनी तात्काळ जळगाव जिल्ह्याचा दौरा केला. मंगळवारी दुपारी ३ वाजेच्या सुमारास ते मुंबईहून थेट जामनेरमध्ये दाखल झाले. आपल्या मतदारसंघातील नेरी, वाकडी, शेंदुर्णी आणि तोंडापूर येथील नुकसानग्रस्त भागाची त्यांनी पाहणी केली.