पुण्याहून मुंबईकडे भरधाव वेगाने जाणाऱ्या एका कारला खालापूर टोल नाक्याजवळ भीषण अपघात झाला आहे. पहाटेच्या वेळी कारचालकाला झोप लागल्याने त्याचे गाडीवरील नियंत्रण सुटले आणि कार डिव्हायडरला धडकली. या अपघातात डिव्हायडरजवळ असलेल्या एका टोल कर्मचाऱ्यालाही कारची धडक बसून तो जखमी झाला. अपघातानंतर कारमधील वयस्कर आजी आणि आजोबा गंभीर जखमी झाले असून, कारचालक, त्याची पत्नी, मुलगा आणि मुलगी यांना किरकोळ स्वरूपाच्या जखमा झाल्या आहेत.