भुसावळ शहरात किरकोळ वादातून एका व्यक्तीला जिवे मारण्याच्या हेतूने गावठी कट्ट्यातून गोळीबार केल्याची धक्कादायक घटना ३० डिसेंबर रोजी रात्री घडली होती. नशिबाने गोळी 'मिस फायर' झाल्याने मोठा अनर्थ टळला. याप्रकरणी मुख्य दोन आरोपींसह त्यांच्या दोन अल्पवयीन साथीदारांना बुधवारी 31 डिसेंबर रोजी सकाळी 1 वाजता अटक केली असून, त्यांच्याकडून गावठी कट्टा आणि जिवंत काडतूस जप्त करण्यात आले.