ସୋର ବ୍ଲକ ପରିସରରେ ଆଜି ପୂର୍ବାହ୍ନରେ ବାଲେଶ୍ୱର ଜିଲ୍ଲାପାଳ ଓ ଏସ୍ପିଙ୍କ ମିଳିତ ଜନଶୁଣାଣି ଶିବିର ଅନୁଷ୍ଠିତ ହୋଇଯାଇଛି। ଏଥିରେ ଜିଲ୍ଲାପାଳ ସୁର୍ଯ୍ୟବଂଶୀ ମୟୁର ବିକାଶ, ଏସ୍ପି ପ୍ରତ୍ୟୁଷ ଦିବାକର ଉପସ୍ଥିତ ରହି ୧୧୭ଟି ଅଭିଯୋଗର ଶୁଣାଣି କରିଥିଲେ। ସୋର ବ୍ଲକ ଓ ମୁନିସପାଲିଟର ୱାର୍ଡ ଓ ପଞ୍ଚାୟତରୁ ବିଭିନ୍ନ ବିଭାଗରେ ଅଭିଯୋଗ ହୋଇଥିଲା।ବିଶେଷ କରି ଜମିଜମା ବାବଦରେ ୩୪, ବ୍ଲକ ପାଇଁ ୧୭ ଅଭିଯୋଗ ସମେତ ବିଭିନ୍ନ ବିଭାଗରେ ଅଭିଯୋଗ ଆସିଥିଲା।ଉକ୍ତ ଅଭିଯୋଗକୁ ଆସନ୍ତା ୧୫ ଦିନ ମଧ୍ୟରେ ସମାଧାନ କରିବାକୁ ଜିଲ୍ଲାପାଳ ଉପସ୍ଥିତ ଅଧିକାରୀଙ୍କୁ ନିର୍ଦେଶ ଦେଇଥିଲେ।