అనంతపురం జిల్లా పామిడి మండలంలోని అయ్యవారిపల్లి గ్రామ సమీపంలో గూగుల్ మ్యాప్ తప్పుగా చూపడంతో ఇన్నోవా కారు వంకలోకి దూసుకెళ్లింది. గుంతకల్లు అగ్నిమాపక శాఖ అధికారి అశ్వర్థ తెలిపిన మేరకు వివరాలిలా ఉన్నాయి. కర్ణాటక రాష్ట్రంలోని రాయచూర్ నుంచి నలుగురు వ్యక్తులు కారులో బెంగళూరుకు గూగుల్ మ్యాప్ వేసుకొని వెళ్తున్నారు. అయితే గురువారం వేకువజామున రెండు గంటల సమయంలో పామిడి మండలం అయ్యవారిపల్లి దగ్గర మ్యాప్ తప్పుగా చూపడంతో ఇన్నోవా కారు వంకలోకి దూసుకెళ్లింది. వంకలో ఇరుక్కొని వారు సాయం కోసం చూస్తున్నారు. అదే సమయంలో కారు లోని వారు అత్యవసర నంబర్ కు ఫోన్ చేసి సమాచారం అందించారు.