જામનગરના રામેશ્ર્વરનગર વિસ્તારમાં રહેતા એકસઆર્મીમેન વૃઘ્ધને જમીન વેચાશે ત્યારે અને પાર્ટનરશીપમાં કઇંક ધંધો કરશુ એવી વાતોમાં ભોળવીને કટકે કટકે હાથ ઉછીના રૂ. ૩૫ લાખ જેવી રકમ લઇને આરોપીએ પરત નહી આપી તેમજ ઉડાઉ જવાબ દઇને છેતરપીંડી કર્યાનો મામલો પોલીસ મથકે પહોચ્યો છે. આ અંગે ગોકુલધામ સોસાયટીમાં રહેતા ક્ષત્રીય શખ્સ સામે ફરીયાદ દાખલ કરવામાં આવતા પોલીસ દ્વારા તપાસ આદરવામાં આવી છે.