एरंडोल तालुक्यातील वरखेडी शिवारात जेसीबी आणि डंपरच्या साहाय्याने हजारो ब्रास गौण खनिजाचे बेकायदेशीर उत्खनन व वाहतूक केली जात आहे. या संपूर्ण प्रकाराकडे एरंडोल महसूल प्रशासनाचे जाणीवपूर्वक दुर्लक्ष होत असल्याचा गंभीर आरोप स्थानिक नागरिकांनी केला आहे. या घटनेची चौकशी करून योग्य ती कारवाई करण्यात येईल असे आश्वासन प्रांताधिकारी प्रविण गायकवाड यांनी बुधवार १४ जानेवारी रोजी दुपारी १ वाजता दिली आहे.