आज दिनांक 8 डिसेंबर दुपारी 3 वाजता छत्रपती संभाजीनगर येथे मुलींचे फोटो काढल्याच्या वादातून दोन गटांत भीषण मारहाण झाल्याची घटना घडली आहे. या प्रकरणी क्रांती चौक पोलीस ठाण्यात गुन्हा दाखल करण्यात आला आहे. मारहाण करणारा एक युवक हा स्थानिक राजकीय नेत्याचा नातेवाईक असल्याचे समोर आले आहे. त्याने ३५ ते ४० मुलांना एकत्र करून संबंधित तरुणावर बेदम मारहाण केल्याचा आरोप मुलीच्या वडिलांनी तक्रारीत केला आहे. शहरात अशा प्रकारच्या संघटित गुन्हेगारीच्या घटना वाढत असल्याची चर्चा नागरिकांमध्ये सुरू आहे.