पनवेल महानगरपालिका कार्यक्षेत्रात होणारी वाढती लोकसंख्या आणि शैक्षणिक गरज लक्षात घेता आयुक्त मंगेश चितळे यांच्या मार्गदर्शनात तळोजा नोड परिसरात विद्यार्थ्यांसाठी अत्याधुनिक आणि उच्च दर्जाचे शैक्षणिक संकुल उभारले जाणार आहे. प्लॉट क्र. ०६, सेक्टर ७, तळोजा गाव येथे हा नवा शैक्षणिक प्रकल्प साकारला जाणार आहे. भविष्यातील आव्हानांचा विचार करून अत्याधुनिक सोयी सुविधांनी युक्त अशी शाळा साकारण्यात येणार आहे. या इमारतीमध्ये आधुनिक पायाभूत सुविधांमध्ये बेसमेंट + ग्राउंड + ६ मजले असे असून विद्यार्थ्यांसाठी सर्व आधुनिक सुविधा उपलब्ध राहणार आहेत. विद्यार्थ्यांसाठी आरामदायी, आकर्षक आणि विद्यार्थी-अनुकूल वातावरण निर्माण करण्यासाठी शाळेमध्ये एकूण ३५ (सोयीस्कर) वर्गखोल्यांचा समावेश करण्यात आला आहे.