ଦେବଗଡ ପୌରାଂଚଳରେ ଜଣେ ଯୁବତୀଙ୍କୁ ତାଙ୍କ ପୂର୍ବତନ ପ୍ରେମିକ ମରଣାନ୍ତକ ଆକ୍ରମଣ କରିଥିବା ଅଭିଯୋଗ ହୋଇଛି । ସୂଚନା ଅନୁଯାୟୀ ଯୁବତୀ ଜଣକ ଦେବଗଡ ସହରର ଏକ ଦୋକାନରେ କାମ କରୁଛନ୍ତି । ବେଞ୍ଜାତିନାଳି ଗ୍ରାମର ଜଣେ ଯୁବକଙ୍କ ସହିତ ଯୁବତୀଙ୍କ ପ୍ରେମ ସମ୍ପର୍କ ଥିଲା । ମାତ୍ର କୌଣସି କାରଣରୁ ଉଭୟଙ୍କ ପ୍ରେମ ସମ୍ପର୍କରେ ତିକ୍ତତା ଦେଖା ଦେଇଥିଲା । ଯୁବତୀ ଜଣକ ପ୍ରେମ ସମ୍ପର୍କରେ ରହିବାକୁ ମନା କରିଥିଲେ । ଏପରିକି ପ୍ରେମିକଙ୍କ ଫୋନ ମଧ୍ୟ ଉଠାଉ ନଥିଲେ । ଫଳରେ ତାଙ୍କ ପୂର୍ବତନ ପ୍ରେମିକ ରାଗିଯାଇ ଶନିବାର ସେ କାମ କରୁଥିବା ଦୋକାନ ସମ୍ମୁଖରେ ମାଡ ମାରିଥିଲା ।