અંજાર પોલીસે "MISSION FUGITIVE" અંતર્ગત મિલકત સંબંધી ગુનામાં છેલ્લા ચાર મહિનાથી નાસતા ફરતા લિસ્ટેડ આરોપી સુલતાન હાસમભાઇ કુંભાર (રહે. ભચાઉ) ને ઝડપી પાડ્યો છે. એસ.પી. સાગર બાગમારની સૂચનાથી પીઆઈ એ.આર. ગોહીલની ટીમે હ્યુમન સોર્સની બાતમીના આધારે અંજાર મધ્યેથી 23 વર્ષીય આરોપીને ઝડપી લીધો હતો. આ આરોપી વિરુદ્ધ અંજાર પોલીસ મથકે બી.એન.એસ.ની વિવિધ કલમો હેઠળ ગુનો નોંધાયેલ છે, જે સંદર્ભે પોલીસે કાયદેસરની કાર્યવાહી હાથ ધરી છે.