निवडणूक विभागाच्या निर्देशानुसार भंडारा शहरातील प्रभाग क्रमांक १२ अ आणि प्रभाग क्रमांक १५ अ या दोन नगरसेवक पदांच्या जागांसाठी होत असलेल्या निवडणुकीचा प्रचार आता अंतिम टप्प्यात आला असून, अवघे दोन दिवस उरल्याने राजकीय वातावरण चांगलेच तापले आहे. जिल्हा दंडाधिकारी व निवडणूक अधिकारी सावन कुमार यांनी जाहीर केलेल्या सुधारित वेळापत्रकानुसार, ११ डिसेंबरला चिन्ह वाटप झाल्यापासून उमेदवारांनी प्रचाराचा धडाका लावला असून १९ डिसेंबरला प्रचाराची तोफ थंडावणार आहे.