राजुरा विधानसभा क्षेत्रातील जिवती येथील ३० खाटांच्या ग्रामीण रुग्णालयाच्या पहिल्या मजल्याचे बांधकाम पूर्ण करण्याचा मार्ग अखेर मोकळा झाला आहे. या कामासाठी ₹ १५.६२ कोटी रुपयांचा निधी उपलब्ध करण्यासंदर्भात आमदार देवराव भोंगळे यांनी आज दि.१० डिसेंबर ला १ वाजता विधानभवन नागपूर येथे राज्याचे आरोग्यमंत्री ना. प्रकाशजी आबिटकर यांच्यासह बैठक घेतली. या बैठकीत आरोग्यमंत्र्यांनी सर्व सकारात्मक कार्यवाही करून १५ कोटींचा निधी मंजूर करण्याचे आश्वासन दिले आहे.