ଦେବଗଡ଼ ଥାନା ଅନ୍ତର୍ଗତ ତିଳେଇମାଳ ଗ୍ରାମରେ ଏକ ଦମ୍ପତି ମଧ୍ୟରେ ପାରିବାରିକ କଳହ କାରଣରୁ ସ୍ତ୍ରୀ ଜଣକ ବେକରେ ଶାଢ଼ୀ ବାନ୍ଧି ଗଛରେ ଝୁଲି ଆତ୍ମହତ୍ୟା କରିଥିବା ଜଣାପଡିଛି । ମିଳିଥିବା ସୂଚନା ଅନୁଯାଇ ତିଳେଇମାଳ ଗ୍ରାମର ରାମରାଇ ମୁଣ୍ଡା ଓ ତାଙ୍କ ସ୍ତ୍ରୀ ସୁମିତ୍ରା ମୁଣ୍ଡା ମଧ୍ୟରେ କୌଣସି କାରଣରୁ ଗତ କିଛିଦିନ ଧରି ବିବାଦ ଲାଗିରହିଥିଲା । ଗତକାଲି ରାତିରେ ମଧ୍ୟ ସ୍ଵାମୀ ସ୍ତ୍ରୀ ମଧ୍ୟରେ କୌଣସି କଥାକୁ କେନ୍ଦ୍ରକରି ବିବାଦ ହୋଇଥିଲା । ଫଳରେ ସ୍ତ୍ରୀ ସୁମିତ୍ରା ମୁଣ୍ଡା ରାତିରେ ଘରୁ ବାହାରି ଆସି ଘର ପାଖ ଏକ ଗଛ ଡ଼ାଳରେ ବେକରେ ଶାଢ଼ୀ ବାନ୍ଧି ଝୁଲି ପଡ଼ିଥିଲେ ।