लग्न समारंभातून परतत असताना काळाचा घाला बसून बनशेंद्रा–शिरसगाव मार्गावर भीषण दुचाकी अपघातात दोन तरुणांचा दुर्दैवी मृत्यू झाला. या दुर्घटनेत शुभम रमेश सोनवणे आणि रतन बाळू देवकर यांचा जागीच मृत्यू झाला. दोन्ही तरुण वैजापूर येथून लग्न समारंभाला उपस्थित राहून दुचाकीने कन्नडकडे परतत होते. शिरसगाव–बनशेंद्रा रस्त्यावर पटेल यांच्या घरासमोर अज्ञात कारणामुळे त्यांच्या दुचाकीचा ताबा सुटला.