ଦେବଗଡ଼ ପୁରୁଣା ଡାକ୍ତରଖାନାରେ ୨୪ ଘଣ୍ଟିଆ ସ୍ଵାସ୍ଥ୍ୟ ସେବା ଦାବିରେ ଜିଲ୍ଲା ଯୁବ ଏକତା ମଞ୍ଚ ପକ୍ଷରୁ ୫ମ ଦିନରେ ଧାରଣା ଜାରି ରହିଛି। ଏହି ଆନ୍ଦୋଳନ ଶନିବାର ପଞ୍ଚମ ଦିନରେ ପହଞ୍ଚିଥିବା ବେଳେ ବହୁ ସଦସ୍ୟ, ସଦସ୍ୟା ସନ୍ଧ୍ୟା 6 ପର୍ଯ୍ୟନ୍ତ ଧାରଣାରେ ବସି ପ୍ରତିବାଦ କରିଥିଲେ। ଦେବଗଡ଼ ସହର ମଧ୍ଯ ଭାଗରେ ଥିବା ଜିଲ୍ଲା ମୁଖ୍ୟ ଚିକିତ୍ସାଳୟ ସହର ଠାରୁ ପ୍ରାୟ 6 କିଲୋମିଟର ଦୂରକୁ ସ୍ଥାନାନ୍ତର ହେବା ଦିନ ଠାରୁ ପୁରୁଣା ଡାକ୍ତରଖାନାରେ 24 ଘଣ୍ଟିଆ ସ୍ଵାସ୍ଥ୍ୟ ସେବା ଯୋଗାଇ ଦେବାକୁ ଦାବି ହୋଇ ଆସୁଛି।