भावांचे नाते रक्ताने माखल्याची धक्कादायक घटना समोर आली आहे. घरातीलच जमिनीच्या वादातून लहान भावाने आपल्याच मोठ्या भावावर चाकूने वार करत जिवे मारण्याचा प्रयत्न केल्याने परिसरात खळबळ उडाली आहे. या घटनेत मोठा भाऊ गंभीर जखमी झाला असून, रायपूर पोलिस ठाण्यात आरोपीविरुद्ध गुन्हा दाखल करण्यात आला आहे. बुधवारी सकाळी सुमारे ११ वाजताच्या सुमारास पिंपळगाव सराई साकेगाव येथे शेतजमिनीच्या वाटणीवरून दोन सख्या भावांमध्ये वाद झाला. हा वाद वाढत जाऊन हाणामारीत रूपांतरित झाला.
