રાપર ખાતે ધારાસભ્ય વિરેન્દ્રસિંહ જાડેજાના હસ્તે રૂ. 24.51 કરોડના માતબર રકમના વિવિધ વિકાસ કામોનું લોકાર્પણ અને ખાતમુહૂર્ત કાર્યક્રમ યોજાયો હતો.કાર્યક્રમની શરૂઆતમાં રૂ. 1.50 કરોડના ખર્ચે તૈયાર થયેલ પાવરહાઉસ પ્રાથમિક શાળા નં-5 અને રૂ. 45 લાખના ખર્ચે નિર્મિત જળ સંપત્તિ પેટા વિભાગની નવી કચેરીનું લોકાર્પણ કરવામાં આવ્યું હતું. ત્યારબાદ નગાસર તળાવ ખાતે આયોજિત મુખ્ય સમારોહમાં નગરપાલિકા દ્વારા આયોજિત વિકાસકાર્યોનું ખાતમુહૂર્ત કરાયું હતું.