ఆత్మకూరు: సోమశిల జలాశయానికి కొనసాగుతున్న వరద, పెన్నా డెల్టాకు 32,650 క్యూసెక్కుల నీరు విడుదల
నెల్లూరు జిల్లా, ఆత్మకూరు నియోజకవర్గం, అనంతసాగరం మండలం, సోమశిల జలాశయానికి వరద కొనసాగుతుంది. ఆదివారం ఎగువ ప్రాంతాల నుంచి 39,492 క్యూసెక్కుల వరదనీరు వచ్చి చేరుతున్నట్లు అధికారులు తెలిపారు. పూర్తి సామర్థ్యం 78 TMCలు కాగా జలాశయంలో 69.340 TMCల నీటిమట్టం నమోదైంది. పెన్నా డెల్టాకు క్రస్ట్ గేట్ల ద్వారా 32,650 క్యూసెక్కులు, కండలేరుకు 560 క్యూసెక్కుల నీరు విడుదల చేస్తున్నారు. వర్షాలు తగ్గడంతో జలాశయానికి వరద తగ్గుముఖం పడుతున్నట్లు అధికారులు తెలిపారు.