वसईतील मधुबन टाऊनशिप येथे भारतीय जनता पक्षाच्या वतीने संघटनात्मक बैठकीचे आयोजन करण्यात आले. आगामी स्थानिक स्वराज्य संस्था निवडणुकीच्या अनुषंगाने यावेळी आढावा घेण्यात आला. बैठकीत भाजपचे बूथ अध्यक्ष, शक्तिकेंद्र प्रमुख, मंडळ पदाधिकारी यांच्याशी सविस्तर चर्चा करून मार्गदर्शन करण्यात आले. या बैठकीस वसई विरार जिल्हाध्यक्ष प्रज्ञा पाटील, जिल्हा सरचिटणीस जोगेंद्र प्रसाद मनोज बारोट, भाजपचे पदाधिकारी उपस्थित होते.