३१ डिसेंबरच्या पार्श्वभूमीवर जिल्ह्यात कायदा व सुव्यवस्था अबाधित ठेवण्यासाठी वर्धा पोलिसांनी मोठी कारवाई केली आहे. स्थानिक गुन्हे शाखेने सिंदी मेघे येथील भाड्याच्या घरावर छापा टाकून देशी व विदेशी दारूसह तब्बल १३ लाख ९८ हजार रुपयांचा मुद्देमाल जप्त केला. या प्रकरणी आरोपीविरुद्ध रामनगर पोलीस ठाण्यात गुन्हा दाखल करण्यात आला असून आरोपीचा शोध सुरू असल्याची माहिती दिनांक 26 डिसेंबर रोजी सायंकाळी 6 वाजताच्या सुमारास पोलिसांनी दिली आहे.