વલસાડ સિટી પોલીસની મોટી સફળતા: ખોટી નંબર પ્લેટ લગાવેલી ઇનોવા કારમાંથી 4.03 લાખનો વિદેશી દારૂ ઝડપાયો, મુંબઈના ચાલકની ધરપકડ: વલસાડ જિલ્લામાં દારૂની ગેરકાયદેસર હેરાફેરી ડામવા પોલીસ દ્વારા સતત કડક કાર્યવાહી કરવામાં આવી રહી છે. આ કડીમાં વલસાડ સિટી પોલીસને વધુ એક મોટી સફળતા મળી છે. પોલીસ પેટ્રોલિંગ દરમિયાન મળેલી બાતમીના આધારે ધરમપુર ચોકડી ઓવરબ્રિજ પાસે વાપીથી સુરત તરફ જતી એક શંકાસ્પદ ટોયોટા ઇનોવા કારને અટકાવી તપાસ હાથ ધરવામાં આવી હતી. આ તપાસમાં કાર પર ખોટી નંબર પ્લેટ લગાવીને દારૂની હેરાફેરી થતી હોવાનો પર્દાફાશ થયો હતો. પોલીસે કારની અંદરથી ભારતીય બનાવટની ઇંગ્લિશ દારૂની કુલ 1,452 બોટલ કબજે કરી છે, જેની કિંમત 4,03,344 રૂપિયા થાય છે. દારૂના આ જથ્થા ઉપરાંત પોલીસે એક મોબાઈલ ફોન, કાર અને અન્ય સામાન મળી કુલ 9,08,344 રૂપિયાનો મુદ્દામાલ જપ્ત કર્યો છે. કાર્યવાહીની મુખ્ય વિગતો: ધરપકડ: કાર ચાલક અસ્ફાક કમરૂદ્દીન કુરેશી (રહે. મુંબઈ) ની સ્થળ પરથી જ ધરપકડ કરવામાં આ�