रामटेक शहरातील स्वामी विवेकानंद वार्डतील रामटेक ते श्री लंबे हनुमान मंदिर रोडवरील उराडे किराणा स्टोअर्स समोर असलेल्या चबुतऱ्याचे सौंदर्यकरण करून यास स्वामी विवेकानंद यांचे नाव देऊन स्मारक बनवण्याची मागणी काही वार्डवासियांकडून करण्यात आली आहे. या मागणीचे निवेदन शुक्रवार दिनांक 27 फेब्रुवारीला दुपारी तीन वाजताच्या दरम्यान नगराध्यक्ष बीकेंद्र महाजन यांना देण्यात आले. यावर नगरपरिषद कार्यालय रामटेक येथे निवेदनकर्त्यांनी चर्चा केली.