राज्याच्या राजकारणाला कलाटणी देणाऱ्या घडामोडींचे पडसाद आता स्थानिक पातळीवर उमटू लागले असून, ठाकरे बंधू एकत्र येण्याच्या संकेताने भंडारा शहरात उत्साहाचे उधाण आले आहे. शहरातील गजबजलेल्या गांधी चौक परिसरात महाराष्ट्र नवनिर्माण सेना (मनसे) आणि शिवसेना (उद्धव बाळासाहेब ठाकरे) या दोन्ही पक्षांच्या कार्यकर्त्यांनी दि. २४ डिसेंबर रोजी दुपारी ३ वाजता दरम्यान अभूतपूर्व एकत्र येत मोठा जल्लोष साजरा केला. फटाक्यांची मोठी आतषबाजी करून आपला आनंद व्यक्त केला.