अड्याळ-चकारा-चिचाड रस्त्यावर आरोग्य विभागाच्या गंभीर निष्काळजीपणाचा धक्कादायक प्रकार उघडकीस आला आहे, ज्यामुळे परिसरातील विद्यार्थी आणि नागरिकांच्या सुरक्षिततेवर मोठे प्रश्नचिन्ह निर्माण झाले आहे. या रस्त्याच्या कडेला मोठ्या प्रमाणात वापरलेले इंजेक्शन आणि कॉटन (रुई) उघड्यावर फेकलेले आढळले आहेत. अड्याळमधील अभ्यासिकांमधील विद्यार्थी याच रस्त्यावर व्यायाम आणि रनिंगसाठी येतात, तसेच चिचाडहून शाळेत येणारे विद्यार्थी, महिला भगिनी आणि सामान्य नागरिकही नियमितपणे या रस्त्याचा वापर करतात.