जिल्ह्यात प्रतिबंधित नायलॉन मांजा विक्रीवर कारवाई करत उपविभागीय पोलिस अधिकारी सुदर्शन पाटील यांच्या पथकाने नागपूरी जिन परिसरातील ऐका ट्रान्सपोर्ट येथे छापा टाकून 5,39,000 रुपये किंमतीच्या 539 चायनीज मांजाच्या रील जप्त केल्या. मोहम्मद राजीक याला अटक करण्यात आली असून दुसरा आरोपी शेख अन्सार फरार आहे. संबंधितांवर सिटी कोतवाली ठाण्यात गुन्हा दाखल करण्यात आला आहे. ही माहिती उपविभागीय पोलिस अधिकारी सुदर्शन पाटील यांनी 11 डिसेंबर रोजी रात्री 9.45 वाजता प्रसिद्धीपत्रकाद्वारे दिली.