ବାମରା ବ୍ଲକ କବରିବାହାଲ ପଞ୍ଚାୟତ ଅନ୍ତର୍ଗତ ସେଗାପଡ଼ା ଠାରେ ଚାଲିଥିବା ମା ଅନ୍ଧାରୀ ବନଦୂର୍ଗା ଙ୍କ ବିଗ୍ରହ ଓ ମନ୍ଦିର ପ୍ରତିଷ୍ଠା ଉତ୍ସବ ଗୁରୁବାର ରାତିରେ ଉଦଯାପିତ ହୋଇ ଯାଇଛି। ଗତ ୪ ଦିନ ଧରି ଚାଳିଥିବା ଉକ୍ତ କାର୍ଯ୍ୟକ୍ରମ ର ପ୍ରଥମ ଦିନ ଅଙ୍କୁର ରୋପଣ, ଅଧିବାସ, କୁଣ୍ଡ ଓ ମଣ୍ଡପ ନିର୍ମାଣ କରାଯାଇଥିଲା। ଦ୍ଵିତୀୟ ଦିନ ଭବ୍ୟ କଲଶ୍ ଯାତ୍ରା ଅନୁଷ୍ଠିତ ହୋଇଥିଲା। ତୃତୀୟ ଦିନ ଦେବୀ ଦୁର୍ଗାଙ୍କ ମହାସ୍ନାନ, ମନ୍ଦିର ଅଧିବାସ, ଶିଖର ସ୍ନାନ ଏବଂ ସୂର୍ଯ୍ୟାସ୍ତ ପରେ ଦେବୀଙ୍କ ଶୟନ ହୋଇଥିଲା। ଶେଷ ଦିନରେ ବିଗ୍ରହ ତଥା ପାର୍ଶ୍ଵ ଦେବା ଦେବୀଙ୍କ ପ୍ରାଣ ପ୍ରତିଷ୍ଠା ଆୟୋଜିତ ହୋଇଥିଲା।