ଦେବଗଡ: ବଳମ ଖେଳ ପଡିଆରେ ଅନୁଷ୍ଠିତ ରାଜ୍ଯ ସ୍ତରୀୟ ଫୁଟବଲ ପ୍ରତିଯୋଗିତା ଉଦଯାପିତ, ଯୋଗଦେଲେ ବିଧାୟକ
Debagarh, Debagarh (Deogarh) | Oct 5, 2025
ବାରକୋଟ ବ୍ଳକ ବଳମ ଜାଗୃତି କ୍ଲବ ଦୁର୍ଗାପୂଜା କମିଟୀ ପକ୍ଷରୁ ରୌପ୍ୟ ଜୟନ୍ତୀ ଅବସରରେ ବଳମ ଆଦର୍ଶ ଖେଳ ପଡିଆ ଠାରେ ଗତ ୩୦ ତାରିଖରୁ ଆରମ୍ଭ ହୋଇଥିବା ରାଜ୍ୟ ସ୍ତରୀୟ ଫୁଟବଲ ପ୍ରତିଯୋଗିତା ରବିବାର ସନ୍ଧ୍ୟା 6 ଟାରେ ଉଦଯାପିତ ହୋଇଯାଇଛି।ଫାଇନାଲ ମ୍ୟାଚରେ ବଳମ ରାଜାବଗିଚା ନିଖିଳ ଏକାଦଶ ଫୁଟବଲ ଦଳକୁ୨-୦ ଗୋଲରେ ପରାସ୍ତ କରି ସମ୍ବଲପୁର ଖୁଲିଆ ଫୁଟବଲ କ୍ଲବ ଚମ୍ପିୟାନ ହୋଇଛି।ଫାଇନାଲ ମ୍ୟାଚକୁ ରେଫରୀ ଭାବେ ପରେଶ ଭୋଇ, ପରେଶ ପ୍ରଧାନ,ବିଜୟ ଓରାମ,ଦେବାନନ୍ଦ ମିର୍ଦ୍ଧା ଓ ସରୋଜ ଗଡନାୟକ ପରିଚାଳନା କରିଥିବା ବେଳେ ଭାଷ୍ୟକାର ଭାବେ ଫକୀର ମୋହନ ଦଳବେହେରା ମ୍ୟାଚର ଧାରା ବିବରଣୀ ଦେଇଥିଲେ।