ସୁନ୍ଦରଗଡ ସହର: ଜାମକାନିସ୍ଥିତ ବେଦାନ୍ତ କମ୍ପାନୀର ପ୍ରତିଶ୍ରୁତି ପାଳନରେ ଅବହେଳାକୁ ନେଇ ପ୍ରତିକ୍ରିୟା ରଖିଲେ ବିସ୍ଥାପିତ
ଆଜିକୁ ଗୋଟିଏ ବର୍ଷରୁ ଉର୍ଦ୍ଧ୍ୱ ହେବ ବେଦାନ୍ତ କମ୍ପାନୀ ଦ୍ୱାରା ଅଧିଗୃହିତ ଜାମକାନୀ କୋଇଲା ଖଣି ପ୍ରକଳ୍ପରେ କୋଇଲା ଖନନ ଆରମ୍ଭ ହୋଇସାରିଛି । ଖଣି ଆରମ୍ଭ ପୂର୍ବରୁ ବିସ୍ଥାପିତ ୪ଟି ଗ୍ରାମ ଜାମକାନି, ଗିରିସୀମା, ମେଣ୍ଡ୍ରା, ଓ ଝାରପଳମର ବିସ୍ଥାପିତ ଗ୍ରାମବାସୀମାନେ ପୁନର୍ବାସ ଥଇଥାନ ଓ ନିଯୁକ୍ତି ଆଦି ବିଭିନ୍ନ ଦାବି ନେଇ ଅନେକ ଦିନ ଧରି ଆନ୍ଦୋଳନ କରିଥିଲେ । ହେଲେ ପ୍ରତିଶ୍ରୁତି ପାଳନରେ କମ୍ପାନୀ ଫେଲ ମାରିଥିବାରୁ ଆଗକୁ ପୁଣି ଆନ୍ଦୋଳନ ନେଇ ବିସ୍ଥାପିତମାନେ ଚେତାବନୀ ଦେଇଛନ୍ତି। ।