ଗତ ତିନି ବର୍ଷ ତଳେ କେରଳ ରାଜ୍ୟକୁ ଦାଦନ ଖଟିବାକୁ ଯାଇଥିଲା ଜୟପାଟଣା ବ୍ଲକ୍ ଅଧୀନସ୍ଥ ଧନସୁଲି ପଞ୍ଚାୟତ ଅନ୍ତର୍ଗତ କେନ୍ଦୁଗୁଡା ଗ୍ରାମର ଭୋଳା ମାଝୀ। ସେଠାରୁ ଗାଁକୁ ଫେରିବା ବେଳେ ରାସ୍ତାରେ କେଉଁଠି ନିଖୋଜ ହେଇ ଯାଇଥିଲା। ପରିବାର ଲୋକ ଜୟପାଟଣା ପୁଲିସ ଥାନାରେ ଜଣାଇଥିଲେ। ପରବର୍ତ୍ତୀ ସମୟରେ ଭୋଳାର ମୃତ୍ୟୁ ହେଇଥିବା ଭାବି ନିରବ ରହିଥିଲେ। କିନ୍ତୁ ନିକଟରେ ରାୟପୁର ଆମ ଘର ସେବାଶ୍ରମରୁ ଧନସୁଲି ପଞ୍ଚାୟତ ସରପଞ୍ଚ କୈଳାସ ସାହୁଙ୍କୁ ଆଶ୍ରମରୁ ଫୋନ୍ ସହ ଭିଡ଼ିଓ କଲରେ ଭୋଳାକୁ ଦେଖାଇଥିଲେ। ଗୁରୁବାର ନିଖୋଜ ଭୋଳା ଗାଁ କୁ ଫେରିବା ନେଇ ପ୍ରତିକ୍ରିୟା ରଖିଛନ୍ତି ତାର ସମ୍ପର୍କିୟ।