माजी आमदार हर्षवर्धन जाधव यांचा एक व्हिडिओ आज दि १३ डिसेंबर रोजी रात्री ९ वाजता सोशल मीडियावर व्हायरल होत आहे. या व्हिडिओत त्यांनी येत्या जून-जुलैपर्यंत देशाची आर्थिक परिस्थिती कोलाप्स होण्याची भीती व्यक्त केली आहे. सरकारकडे देयके भागवण्यासाठीही पुरेसे पैसे शिल्लक नसल्याचा गंभीर आरोप त्यांनी केला आहे. विधानभवनात मला बोलू दिले गेले नाही, अशी खंतही त्यांनी व्यक्त केली. सध्या देशासमोर गंभीर आर्थिक संकट उभे असल्याचा दावा त्यांनी या व्हिडिओत केला आहे.